احنا بتوع ألعاب، وقررنا ان ده يبقى شغلنا بجد

قولنا بقى نكرس حياتنا نقعد نخترع في ألعاب تضحكم وتخليكم مبسوطين في أي قاعدة مع صاحبكم عيلتكم

وعشان احنا كمصريين بنحب نهزر ونضحك عملنا أول لعبة لينا اسمها “ كازينو ألعاب “ ودي كانت مليانة ايفيهات أفلام وحروف معكوسة وأغاني احنا كلنا عارفينها وبنحبها، ولما الضحك زاد حبتين تلاتة قولنا ده احنا لازم نعمل لعبة تانية وعملنا “ كازينو أفلام “ والناس بدأت تنبسط اكتر واكتر

اننا عارفين ايه اللي بيحبوه وبنحققه في شكل لعبة تبقى معاهم في اي مكان ويلعبوا مع أي حد، واخيراً وليس اخيرا انهالت علينا طلبات كتير اننا نعمل نسخة جديدة من كازينو ألعاب، فعملنا لعبة “ محدش بيلعبها بالساهل “

وبعد النجاح ده كله نزلنا كمان على ارض الواقع وبدأنا نعمل ايفنتات مع براندات كبيرة بيطلبونا بالاسم، المهم ان الرحلة دي مكلمة بيكم وعمرها ما هتقف عشان انتوا سبب النجاح واحنا سبب الضحكة الحلوة .. والأهم انكوا بتشجعوا اللعبة الحلوة .. واحنا اللعبة الحلوة.